Mii lea Sámikopiija
Oktavuohta
Luohttamušolbmot
Árbevirolaš máhttu ja dahkkivuoigatvuohta
Jahkedieđáhusat
Njuolggadusat
Kopibuhtadus
Beavdegirjjit
Miellahttusearvvit
Sámikopiija soahpamuš Kopinorain
Vuorká
 
Doaimmahus
 
Čálit!
Sápmelaš loahpahii IFFRO-čoahkkima
Ántte-Mihkkal Gaup oaččui dan stuorra gutni loahpahit riikkaidgaskasaš IFFRO-ávvučoahkkima Oslos golggotmánu 22. beaivvi, ja sávvat guhkegaskkaid mátkkošteaddjiide buori mátkki ruoktut Beaivelotti luđiin.


Govva/Photo: Finn Ståle Felberg

Introduseredettiin Ántte-
Mihkkala čilgii International Federation for Reproduction Rights´ Organizations direktevra ja beaivválaš jođiheaddji, Olav Stokkmo, oasseváldiide ahte Sámikopiija lea IFFRO áidna álgoálbmot-ovddasteaddji searvi, ja muittuhii ahte sápmelaččat leat Norgga álgoálbmot, geaid vuoigŋadujiid vuoigatvuođaid Sámikopiija ovddasta buriin ovttasbargguin Kopinor-ásahusain. IFFRO 25-jagi ávvučoahkkin álggahuvvui norgalaš árbevirolaš dánssain, de mii heive buorebut go loahpahit čoahkkima sámi juoigamiin, árvalii Stokkmo. Ántte-Mihkkal dasto juoiggastii golbma luođi, ja hui čehpet loahpahii Beaivelottiin, mii ovddasta sihke čábbodaga ja guhkes mátkkiid.

IFFRO álggahuvvui Oslos 25 jagi dassá, ja anii ge vuogasin fas máhccat seamma báikái searvvi ávvudoaluide. Čoahkkimis lei olu sáhka ođđaáiggi digitála mediaid birra, ja man láhkai galgá sáhttit gáhttet sihke dahkkiid ja buvttadeaddjiid vuoigatvuođaid servodagain main buohkat vurdet nuvttá beassat ávkkástallat buotlágan vuoigŋadujiiguin. Ii ovttasge lean čielga vástádus áššái, muhto oasseváldit besse oahpásmuvvat mo iešguđetge guovlluin máilmmes dáistalit ovttalágan hástalusaiguin, ja man láhkai lágádusat, vuoigŋaduodjevuoigatvuođaoamasteaddjit ja riikkaid eiseváldit vigget gávdnat čovdosiid mat váfistit ain boahtteáigái ge buriid ja dohkálaš buktagiid.

IFFRO lea maiddá áŋgiruššan árbevirolaš máhtu gáhttemiin, ja ráhkadii ge ovttas ee. Sámikopiijain diimmá čoahkkimii ođđa julggáštusa, mii dohkkehuvvui smávva rievdadusaiguin. Sámikopiija ovddastedje dán jagi čoahkkimis Oslos Liv Inger Somby, Ántte-Mihkkal Gaup ja Harald Gaski.


IFRRO 25 jagi ávvudančoahkkin Oslos 19.10.-23.10.09.
Harald Gaski ja Ánte Mihkkal Gaup čoahkkimis. Ánte Mihkkal ovddastii Sámi ja Sámikopiija maiddái juigosiiguin. Govva/Photo: Finn Ståle Felberg


Almmuhan: 02.11.2009
Ođasmahttán 04.11.2009
Almmuhan: Webdoaimmaheaddji